Sinatra_Z - PPSMN Program Pembelajaran Sains dan Matematik dalam NOGORI

Baru-baru ini Kerajaan berpendapat bahawa PPSMI adalah tidak menguntungkan.

Terutama apabila segolongan cendekiawan yang tidak ada kena mengena dengan sains dan matematik menjunjuk perasaan di Kuala Lumpur.

Adalah lebih berkesan sekiranya Matematik dan Sains diajar dalam Bahasa Ibunda.
Maka atas sebab inilah Sinatra_Z menyahut slogan itu dan ingin memperkenalkan dasar baru yakni dipanggil

PPSMN - Program Pembelajaran Sains Matematik dalam Nogori.

Satu program khas yang akan diperkenalkan di Negeri Sembilan sempena menyahut slogan bahawa bahasa Ibunda adalah yang terbaik untuk mengajar Sains dan Matematik.

Iyelah kalau tak diajar Sains dan Matematik dalam bahasa Nogori karang nanti habislah anak-anak negeri sembilan semua lupakan adat pepatih dan hilanglah segala warisan dan budaya orang negeri sembilan.

Lokasi - Kuala Pilah
Matapelajaran - Kimia


Assalamualaikum murid-murid,
aie ni che'gu nak ajor ekau smuo mengonai kostabilan lapan dan tontang bondo-bondo ado dalam Jaduai Berkalo.

Mulo-mulo ado kito dongan haidrojen, kocik nyo dio sobek hati dio ado satu bondo ajo kironyo dio itu sebuter ajolah. Kito tau kalo campor haidrojen dongan udaro dibuleh buat air itu, ekau jang amik duo haidrojen dongan satu udaro jadinyo air, tapi takdolah jadi air sirap ko apo.

Hondakkan buek ceghito dalam napaih kito pun ado haidrojen tu, tapi takdolah ditolan dek paru weh. Diambiknyo udaro dibuangnyo haidrojen balik macam kulit kacang la jang.

Tapi ini buek pengetahuan yo hadidrojen takolah kak tompek yang mano udaro pun takdo, siapa tahu mano tu tompek yang suaro pun apaih takdok dongar nyo? Ahh ndak tau ekau jang itulah dio dikatonyo tompek yang hampogas. Hampogas kironyo tompek takdo langung apo-apo gas dek bau langsung ilang tak nampak hapo kobondonya.

Ado pulak kalau kito tengok dokek tongah meja berkalo ni ado bondo panggilnyo silikon, bukan kek kon aiskrim ko apo tapi kironyo dio ni bahan separo pongalir. Letrik tak buleh la lalu dio macam bosi ko omaih ko atau tin ko apo ko tapi kalau dibueknyo dalam koadaan tortontu ionyo bulehlah melopehkan letrik untuk dibuek laluan maka atas sobab berkonaanlah ionyo dipanggil soparo pongalir.

Kironyo ado dio poie elektron ko sano dilopehkan kopado zaghah laie satu tu sobab dio nam mencapai kostabilan kolapan. Biasonyo dio ado ompek ajo tapi kalau hondak ditengokkan dari pandang hukum kuantom mungkin lain jadinyo lah sobek dalam kuantom ado pulak dipanggil faso tenago. Bukan bulih main lompek-lompek gitu yo dio mosti ado tenago nak melopehkan diri dari faso-faso tortontu.

Ahh ado pahang jang?

Soalan?